Sri Narasimha Stotram - Kamasikashtakam (with text)

⁣

Prayer to Lord Narasimha in the octet (eight-verse) form.

LYRICS:
śrīmān vēṅkaṭanāthāryaḥ kavitārkika-kēsarī |
vēdāntācāryavaryō mē sannidhattāṃ sadā hṛdi ||

śrutīnām-uttaraṃ bhāgaṃ vēgavatyāśca dakṣiṇam |
kāmād-adhivasan jīyāt kaścid-adbhuta-kēsarī ||1||

tapanēndvagni-nayanaḥ tāpānapacinōtu naḥ |
tāpanīya-rahasyānāṃ sāraḥ kāmāsikāhariḥ ||2||

ākaṇṭham-ādipuruṣaṃ kaṇṭhīravam-upari kuṇṭhitārātim |
vēgōpakaṇṭha-saṅgāt vimukta-vaikuṇṭha-bahumatim-upāsē ||3||

bandhum-akhilasya jantōḥ bandhura-paryaṅkabandha-ramaṇīyam |
viṣamavilōcanam-īḍē vēgavatī-puḷina-kēḷi-narasimham ||4||

svasthānēṣu marudgaṇān niyamayan svādhīnasarvēndriyaḥ
paryaṅka-sthiradhāraṇāprakaṭita-pratyaṅ-mukhāvasthitiḥ |
prāyēṇa praṇipēduṣāṃ prabhurasau yōgaṃ nijaṃ śikṣayan
kāmānātanutādaśēṣa-jagatāṃ kāmāsikā-kēsarī ||5||

vikasvara-nakha-svaru-kṣata-hiraṇya-vakṣaḥ-sthalī-
nirargaḷa-vinirgaḷa-drudhira-sindhu-sandhyāyitāḥ |
avantu madanāsikā-manuja-pañcavaktrasya mām
ahaṃ prathamikāmithaḥ prakaṭitāhavā bāhavaḥ ||6||

saṭāpaṭalabhīṣaṇē sarabhāṭṭahāsōdbhaṭē
sphuratkrudhi parisphuṭabhrukuṭikē~pi vaktrē kṛtē |
kṛpā kapaṭakēsarin danujaḍimbha-datta-stanā
sarōja-sadṛśā dṛśā vyativiṣajya tē vyajyatē ||7||

tvayi rakṣati rakṣakaiḥ kimanyaiḥ
tvayi cārakṣati rakṣakaiḥ kimanyaiḥ |
iti niścitadhīḥ śrayāmi nityam
nṛharē! vēgavatī-taṭāśrayaṃ tvām ||8||

itthaṃ stutaḥ sakṛdihāṣṭabhirēṣa padyaiḥ
śrīvēṅkaṭēśaracitais-tridaśēndra-vandyaḥ |
durdāntaghōra-duritadviradēndra-bhēdī
kāmāsikā-naraharir-vitanōtu kāmān ||

~~~~~~~~~~~~~~~~

Song: Kamaasikaashtakam
Artist: T S Ranganathan
Album: Sri Lakshmi Nrisimha Stotrani



SHOW LESS