Top videos

Shri Krishna Chalisa ⦿ श्री कृष्ण चालीसा ⦿ with lyrics ⦿

sacredverses
11 Views · 4 years ago

⁣Krishna Chalisa is considered extremely beneficial for:
* Overcoming adversities
* As a shield for negative / evil influences
* For a long, blissful married life.

LYRICS:

श्री कृष्ण चालीसा

॥ दोहा ॥
बंशी शोभित कर मधुर, नील जलद तन श्याम ।
अरुण अधर जनु बिम्ब फल, नयन कमल अभिराम ॥
पूर्ण इन्द्र अरविन्द मुख, पीताम्बर शुभ साज ।
जय मनमोहन मदन छवि, कृष्ण चन्द्र महाराज ॥

॥ चौपाई ॥
जय यदुनंदन जय जगवंदन ।
जय वसुदेव देवकी नन्दन ॥ 1 ॥
जय यशोदा सुत नन्द दुलारे ।
जय प्रभु भक्तन के दृग तारे ॥ 2 ॥
जय नटनागर नाग नथइया ॥
कृष्ण कन्हैया धेनु चरइया ॥ 3 ॥
पुनि नख पर प्रभु गिरिवर धारो ।
आओ दीनन कष्ट निवारो ॥ 4 ॥
वंशी मधुर अधर धरि टेरी ।
होवे पूर्ण विनय यह मेरी ॥ 5 ॥
आओ हरि पुनि माखन चाखो ।
आज लाज भारत की राखो ॥ 6 ॥
गोल कपोल चिबुक अरुणारे ।
मृदु मुस्कान मोहिनी डारे ॥ 7 ॥
रंजीत राजिव नयन विशाला ।
मोर मुकुट वैजन्ती माला ॥ 8 ॥
कुंडल श्रवण पीतपट आछे ।
कटि किंकणी काछन काछे ॥ 9 ॥
नील जलज सुन्दर तनु सोहै ।
छवि लखि सुर नर मुनि मन मोहै ॥ 10 ॥
मस्तक तिलक अलक घुंघराले ।
आओ कृष्ण बांसुरी वाले ॥ 11 ॥
करि पय पान, पूतनहिं तार‌यो ।
अका बका कागा सुर मार्‌यो ॥ 12 ॥
मधुवन जलत अगिन जब ज्वाला ।
भये शीतल लखतहिं नंदलाला ॥ 13 ॥
सुरपति जब ब्रज चढ़‌यो रिसाई ।
मूसर धार वारि वर्षाई ॥ 14 ॥
लगत-लगत व्रज चहन बहायो ।
गोवर्धन नखधारि बचायो ॥ 15 ॥
लखि यसुदा मन भ्रम अधिकाई ।
मुख मँह चौदह भुवन दिखाई ॥ 16 ॥
दुष्ट कंस अति उधम मचायो ॥
कोटि कमल जब फूल मंगायो ॥ 17 ॥
नाथि कालियहिं तब तुम लीन्हें ।
चरणचिन्ह दे निर्भय किन्हें ॥ 18 ॥
करि गोपिन संग रास विलासा ।
सबकी पूरण करी अभिलाषा ॥ 19 ॥
केतिक महा असुर संहार्‌यो ।
कंसहि केस पकड़ि दै मार्‌यो ॥ 20 ॥
मात-पिता की बन्दि छुड़ाई ।
उग्रसेन कहं राज दिलाई ॥ 21 ॥
महि से मृतक छहों सुत लायो ।
मातु देवकी शोक मिटायो ॥ 22 ॥
भौमासुर मुर दैत्य संहारी ।
लाये षट दस सहस कुमारी॥ 23 ॥
दै भीमहिं तृणचीर संहारा ।
जरासिंधु राक्षस कहं मारा ॥ 24 ॥
असुर बकासुर आदिक मार्‌यो ।
भक्तन के तब कष्ट निवार्‌यो ॥ 25 ॥
दीन सुदामा के दुख टार्‌यो ।
तंदुल तीन मुठि मुख डार्‌यो ॥ 26 ॥
प्रेम के साग विदुर घर मांगे ।
दुर्योधन के मेवा त्यागे ॥ 27 ॥
लखी प्रेम की महिमा भारी ।
ऐसे श्याम दीन हितकारी ॥ 28 ॥
भारत के पारथ रथ हांके ।
लिये चक्र कर नहिं बल थांके ॥ 29 ॥
निज गीता के ज्ञान सुनाए ।
भक्तन हृदय सुधा वर्षाए ॥ 30 ॥
मीरा थी ऐसी मतवाली ।
विष पी गई बजाकर ताली ॥ 31 ॥
राणा भेजा सांप पिटारी ।
शालीग्राम बने बनवारी ॥ 32 ॥
निज माया तुम विधिहिं दिखायो ।
उरते संशय सकल मिटायो ॥ 33 ॥
तब शत निन्दा करि तत्काला ।
जीवन मुक्त भयो शिशुपाला ॥ 34 ॥
जबहिं द्रौपदी टेर लगाई ।
दीनानाथ लाज अब जाई ॥ 35 ॥
तुरतहि वसन बने नंदलाला ।
बढ़े चीर भये अरि मुंह काला ॥ 36 ॥
अस अनाथ के नाथ कन्हैया ।
डूबत भंवर बचावत नइया ॥ 37 ॥
सुन्दरदास आस उर धारी ।
दयादृष्टि कीजै बनवारी ॥ 38 ॥
नाथ सकल मम कुमति निवारो ।
क्षमहुबेगि अपराध हमारो ॥ 39 ॥
खोलो पट अब दर्शन दीजै ।
बोलो कृष्ण कन्हैया की जै ॥ 40 ॥

॥ दोहा ॥
यह चालीसा कृष्ण का, पाठ करे उर धारि ।
अष्ट सिद्धि नवनिधि फल, लहै पदारथ चारि ॥

#KrishnaChalisa #KrishnaStotrams #